Shree Hanuman Chalisa Lyrics In Hindi & English

 Shree Hanuman Chalisa Lyrics In  Hindi

॥दोहा॥

श्रीगुरु चरन सरोज रज निज मनु मुकुरु सुधारि ।

बरनउँ रघुबर बिमल जसु जो दायकु फल चारि ॥

बुद्धिहीन तनु जानिके सुमिरौं पवन-कुमार ।

बल बुधि बिद्या देहु मोहिं हरहु कलेस बिकार ॥

॥चौपाई॥

जय हनुमान ज्ञान गुन सागर ।

जय कपीस तिहुँ लोक उजागर ॥१॥

राम दूत अतुलित बल धामा ।

अञ्जनि-पुत्र पवनसुत नामा ॥२॥

महाबीर बिक्रम बजरंगी ।

कुमति निवार सुमति के संगी  ॥३॥

कञ्चन बरन बिराज सुबेसा ।

कानन कुण्डल कुञ्चित केसा ॥४॥

हाथ बज्र औ ध्वजा बिराजै ।

काँधे मूँज जनेउ साजै ॥५॥

शंकर सुवन केसरी नन्दन ।

तेज प्रताप महा जग बन्दन ॥६॥

बिद्यावान गुनी अति चातुर ।

राम काज करिबे को आतुर ॥७॥

प्रभु चरित्र सुनिबे को रसिया ।

राम लखन सीता मन बसिया ॥८॥

सूक्ष्म रूप धरि सियहिं दिखावा ।

बिकट रूप धरि लंक जरावा ॥९॥

भीम रूप धरि असुर सँहारे ।

रामचन्द्र के काज सँवारे ॥१०॥

लाय संजीवन लखन जियाये ।

श्रीरघुबीर हरषि उर लाये ॥११॥

रघुपति कीन्हि बहुत बड़ाई ।

तुम मम प्रिय भरतहि सम भाई ॥१२॥

सहस बदन तुम्हरो जस गावैं ।

अस कहि श्रीपति कण्ठ लगावैं ॥१३॥

सनकादिक ब्रह्मादि मुनीसा ।

नारद सारद सहित अहीसा ॥१४॥

जम कुबेर दिगपाल जहाँ ते ।

कबि कोबिद कहि सके कहाँ ते ॥१५॥

तुम उपकार सुग्रीवहिं कीन्हा ।

राम मिलाय राज पद दीन्हा ॥१६॥

तुम्हरो मन्त्र बिभीषन माना ।

लंकेश्वर भए सब जग जाना ॥१७॥

जुग सहस्र जोजन पर भानु ।

लील्यो ताहि मधुर फल जानू ॥१८॥

प्रभु मुद्रिका मेलि मुख माहीं ।

जलधि लाँघि गये अचरज नाहीं ॥१९॥

दुर्गम काज जगत के जेते ।

सुगम अनुग्रह तुम्हरे तेते ॥२०॥

राम दुआरे तुम रखवारे ।

होत न आज्ञा बिनु पैसारे ॥२१॥

सब सुख लहै तुम्हारी सरना ।

तुम रच्छक काहू को डर ना ॥२२॥

आपन तेज सम्हारो आपै ।

तीनों लोक हाँक तें काँपै ॥२३॥

भूत पिसाच निकट नहिं आवै ।

महाबीर जब नाम सुनावै ॥२४॥

नासै रोग हरै सब पीरा ।

जपत निरन्तर हनुमत बीरा ॥२५॥

संकट तें हनुमान छुड़ावै ।

मन क्रम बचन ध्यान जो लावै ॥२६॥

सब पर राम तपस्वी राजा ।

तिन के काज सकल तुम साजा ॥२७॥

और मनोरथ जो कोई लावै ।

सोई अमित जीवन फल पावै ॥२८॥

चारों जुग परताप तुम्हारा ।

है परसिद्ध जगत उजियारा ॥२९॥

साधु सन्त के तुम रखवारे ।

असुर निकन्दन राम दुलारे ॥३०॥

अष्टसिद्धि नौ निधि के दाता ।

अस बर दीन जानकी माता ॥३१॥

राम रसायन तुह्मरे पासा ।

सदा रहो रघुपति के दासा ॥३२॥

तुम्हरे भजन रामजी को पावै ।

जनम जनम के दुख बिसरावै ॥३३॥

अन्त काल रघुबर पुर जाई ।

जहाँ जन्म हरिभक्त कहाई ॥३४॥

और देवता चित्त न धरई ।

हनुमत सेइ सर्ब सुख करई ॥३५॥

संकट कटै मिटै सब पीरा ।

जो सुमिरै हनुमत बलबीरा ॥३६॥

जय जय जय हनुमान गोसाईं ।

कृपा करहु गुरुदेव की नाईं ॥३७॥

जो सत बार पाठ कर कोई ।

छूटहि बन्दि महा सुख होई ॥३८॥

जो यह पढ़ै हनुमान चालीसा ।

होय सिद्धि साखी गौरीसा ॥३९॥

तुलसीदास सदा हरि चेरा ।

कीजै नाथ हृदय महँ डेरा ॥४०॥

॥दोहा॥

पवनतनय संकट हरन मंगल मूरति रूप ।

राम लखन सीता सहित हृदय बसहु सुर भूप ॥

Shree Hanuman Chalisa Lyrics In  English

Shri Guru Charana Saroja Raja, Nija Mana Mukuru Sudhari।

Baranau Raghuvara Bimala Jasu, Jo Dayaku Phala Chari॥

Buddhihina Tanu Janike, Sumirau Pavanakumara।

Bala Budhi Vidya Dehu Mohi Harahu Kalesa Vikara॥

Jaya Hanumana Gnyana Guna Sagara।

Jaya Kapisa Tihu Loka Ujagara॥ 1 ॥

Rama Duta Atulita Bala Dhama।

Anjani Putra Pavanasuta Nama॥ 2 ॥

Mahavira Vikrama Bajarangi।

Kumati Nivara Sumati Ke Sangi॥ 3 ॥

Kanchana Barana Biraja Subesa।

Kanana Kundala Kunchita Kesa॥ 4 ॥

Hatha Bajra Au Dhvaja Birajai।

Kadhe Munja Janeu Sajai॥ 5 ॥

Shankara Suvana Kesari Nandana।

Teja Pratapa Maha Jaga Bandana॥ 6 ॥

Vidyavana Guni Ati Chatura।

Rama Kaja Karibe Ko Atura॥ 7 ॥

Prabhu Charitra Sunibe Ko Rasiya।

Rama Lakhana Sita Mana Basiya॥ 8 ॥

Sukshma Rupa Dhari Siyahi Dikhava।

Bikata Rupa Dhari Lanka Jarava॥ 9 ॥

Bhima Rupa Dhari Asura Sahare।

Ramachandra Ke Kaja Savare॥ 10 ॥

Laya Sajivani Lakhana Jiyae।

Shri Raghubira Harashi Ura Lae॥ 11 ॥

Raghupati Kinhi Bahut Barai।

Tuma Mama Priya Bharatahi Sama Bhai॥ 12 ॥

Sahasa Badana Tumharo Jasa Gavai।

Asa Kahi Shripati Kantha Lagavai॥ 13 ॥

Sanakadika Brahmadi Munisa।

Narada Sarada Sahita Ahisa॥ 14 ॥

Jama Kubera Dikpala Jaha Te।

Kabi Kobida Kahi Sakai Kaha Te॥ 15 ॥

Tuma Upakara Sugrivahi Kinha।

Rama Milaya Rajapada Dinha॥ 16 ॥

Tumharo Mantra Bibhishana Mana।

Lankeshvara Bhae Saba Jaga Jana॥ 17 ॥

Juga Sahasra Jojana Para Bhanu।

Lilyo Tahi Madhura Phala Janu॥ 18 ॥

Prabhu Mudrika Meli Mukha Mahi।

Jaladhi Laghi Gaye Acharaja Nahi॥ 19 ॥

Durgama Kaja Jagata Ke Jete।

Sugama Anugraha Tumhare Tete॥ 20 ॥

Rama Duare Tuma Rakhavare।

Hota Na Agnya Binu Paisare॥ 21 ॥

Saba Sukha Lahai Tumhari Sarana।

Tuma Rakshaka Kahu Ko Darana॥ 22 ॥

Apana Teja Samharo Apai।

Tinau Loka Haka Te Kapai॥ 23 ॥

Bhuta Pishacha Nikata Nahi Avai।

Mahabira Jaba Nama Sunavai॥ 24 ॥

Nasai Roga Harai Saba Pira।

Japata Nirantara Hanumata Bira॥ 25 ॥

Sankata Te Hanumana Chhudavai।

Mana Krama Bachana Dhyana Jo Lavai॥ 26 ॥

Saba Para Rama Tapasvi Raja।

Tina Ke Kaja Sakala Tuma Saja॥ 27 ॥

Aura Manoratha Jo Koi Lavai।

Sohi Amita Jivana Phala Pavai॥ 28 ॥

Charo Juga Para Tapa Tumhara।

Hai Parasiddha Jagata Ujiyyara॥ 29 ॥

Sadhu Santa Ke Tuma Rakhavare।

Asura Nikandana Rama Dulare॥ 30 ॥

Ashta Siddhi Nau Nidhi Ke Data।

Asa Bara Dinha Janaki Mata॥ 31 ॥

Rama Rasayana Tumhare Pasa।

Sada Raho Raghupati Ke Dasa॥ 32 ॥

Tumhare Bhajana Rama Ko Pavai।

Janama Janama Ke Dukha Bisaravai॥ 33 ॥

Anta Kala Raghubara Pura Jai।

Jaha Janma Hari Bhakta Kahai॥ 34 ॥

Aura Devata Chitta Na Dharai।

Hanumata Sei Sarba Sukha Karai॥ 35 ॥

Sankata Katai Mitai Saba Pira।

Jo Sumirai Hanumata Balabira॥ 36 ॥

Jaya Jaya Jaya Hanumana Gosai।

Kripa Karahu Gurudeva Ki Nai॥ 37 ॥

Jo Shata Bara Patha Kara Koi।

Chhutahi Bandi Maha Sukha Hoi॥ 38 ॥

Jo Yaha Padhai Hanumana Chalisa।

Hoya Siddha Sakhi Gaurisa॥ 39 ॥

Tulasidasa Sada Hari Chera।

Kijai Natha Hridaya Maha Dera॥ 40 ॥

Pavantanaya Sankata Harana Mangala Murati Rupa।

Rama Lakhan Sita Sahita Hridaya Basahu Sura Bhupa॥